~ عقبال يا ماخذ فؤادي 100 عام ~

**حـمـد** · 14-04-2010, 07:34 PM

عقبال ياماخذ فؤادي مية عام ..
.. ضيعتني منك وانا ما اهتديتك

لا ..ما نسيتك كيف بانساك ما دام ..
.. ذكرى الفراق تهزني لو نسيتك

حبك قدر وانا على دين الاسلام ..
.. مكتوب في وجه الجبين ورضيتك

لك في الضمير الود والحشمه اتوام ..
.. ولي في ضميرك مثل ما انا بغيتك

ولك منزل في نايف القلب وخيام ..
.. وذود الغلا ترعاه ولا شكيتك

يفطر عليك القلب وان فارقك صام ..
.. والله لونك شوك سدره كليتك

القلب طيرٍ لادعي للهوى حام ..
.. والا انت وكره من كثر ماهويتك

كن العيون من النظر عقبك ايتام ..
.. وكني ماريت الا انت من يوم ريتك

وكنك معي وانا فقدتك من اعوام ..
.. مع الخيال القاك كني لقيتك

من صعب وصلك ما تهنيتك احلام ..
.. وان جابتك فزيت شوق ومحيتك

يعني وصالك صعب واهدافي اوهام ..
.. يعني زرعتك للقدر ماجنيتك

صبرك يقولون العرب كل الايام ..
.. يوم عليك ويوم لاجاك جيتك

ويا قلب ياللي ورثك اجروح وآلام ..
.. بليتني ماهو بانا اللي بليتك

ولعتني من عادني في الهوى خام ..
.. واسرفت بي وانا خطامك عطيتك

طعتك وزبدة طاعتك هم وهيام ..
.. مالله كتب لي واستخرت وعصيتك

لوللقلوب اسواق بايع وسوام ..
.. لاابدلك وان جيتني ماشريتك

والا انت ياللي جيش عينيك مقدام ..
.. لا اقنعت منك والرجا مارجيتك

كني سجين بين..افراج ..واعدام ..
.. وكنك سجن وانا بنفسي بنيتك

تنبيك عن حالي محاصيل الالهام ..
.. وتخبرك نظراتي نهار التقيتك

عقب الوصال اللي على عين من لام ..
.. قدهو يكفيني عن الوصل صيتك

وقدني الى مريت بالشارع العام ..
.. لديت من ما في الضمير ودعيتك

ادري ان صوتي ماقطع عشرة اقدام ..
.. وادري بي اعود الى من نصيتك

ياشينها يامحنيٍ راس الابهام ..
.. ماقدر على شوفك وانا عند بيتك

الاعمار ما تضمن وانا اخاف الاحكام ..
.. ارثيك خاف اودعك ما رثيتك.

لشاعر : محمد بن فطيس

**غصووون** · 14-04-2010, 09:16 PM

يعني وصالك صعب واهدافي اوهام ..
.. يعني زرعتك للقدر ماجنيتك

رااائعه ومميزة
يسلمووو حمد
انتقاء جميل
,,,

**أبو جمانة** · 14-04-2010, 11:33 PM

خبرتو احد يبكي على واحد يبكيه***وخبرتو احد مسجون ما يبغي فراجه

احبه ولا ابغضته على شي يسويه***ولا زالة رقاب الرجا فيه منعاجه

عسى منزل ضمه حقوق الوسم تسقيه***تضحك له الدنيا وهو يضحك حجاجه

فقد خاطري شي من الضيقه مسليه***وغدة روحي من الناس والضيقه هجاجه

اروح لمكان خـــابره خـــــابره ياتيه***اسوق القدم صوبه وهي مالها حاجه

مكان نزيه واول مواجهي له فيه***وانا خابر ما برجل مثله بدواجه

لعل وعسى ماحد للمجي يدعيه***واشوفه وانا ما ودي اسبب احراجه

يحب الجريح اخر دروب اللقاء ويجيه***وتحب القدم جيت مكان اول مواجه

**حـمـد** · 15-04-2010, 05:47 AM

اقتباس:

المشاركة الأصلية كتبت بواسطة غصووون


	يعني وصالك صعب واهدافي اوهام .. .. يعني زرعتك للقدر ماجنيتك رااائعه ومميزة يسلمووو حمد انتقاء جميل ,,,