اللي يبي فرقاي قدامه { الباب} !!

**غصووون** · 01-07-2010, 12:22 AM

خلك على صدك ترى خاطري طاب
ودعتك الله ..وأبتعد لاتجيني..!!

من صد..دون أية عواريض وأسباب
أنهيت حبِ صار بينه وبيني ..

حتى أيش ..لو إنه من أدنات الأقراب
نفسي عزيزة.. والعرب خابريني ..

ماني عقب فرقاك.. عايش بلا أحباب
ولاني عقب فـرقاك عايش حزيني ..

لاساهرِ لأجلك.. ولا الدمع سكاب
من أنت..؟؟ حتى تبكي اليوم عيني .!

أصبحت في عيني.. مثل باقي الأغراب
إن رحت والا جيت ماأنت بضنيني!!

وش حاجتي.. لاصرت بالحب لعاب .؟!
حرام أضيع معك باقي سنيني ...

خذها بلا تسويق وأحسب لها حساب ..//
نهاية المقصود.. في كلمتيني

اللي يبي فرقاي..
( قدامه الباب )
واللي يبيني ..
(فـوق راسي وعيني ) ..